CAGAYAN DE ORO CITY-Emosyonal sa laing higayon ang kapikas ni army Technical Sargeant Joseph Paredes nga nagpatabang sa dagkong opisyal ug 3rd party facilitators sa syudad.
Kini human mibati’g kabalaka si Gng Neneng Paredes sa dangatan sa iyang bana gikan sa mga kamot sa rebeldeng NPA nga mibihag kaniya sa Valencia City,Bukidnon.
Una nang nagpadala’g sulat-pahayag ang mga rebelde sa Bombo Radyo diin nag-ingon nga may atraso sa katawhan si Paredes.
Hinoon,nanawag ang NPA custodian ni Paredes sa iyang kapikas diin nagpasalig nga dili kini mahilabtan apan nag-awhag nga ipadali ang paglihok sa negosasyon sa local crisis committee ug 3rd party facilitators.
Si Gng Paredes ang midangop na sa kadagkuan sa 8th IB,Philippine Army samtang nagpatabang usab kini kanila ni Misamis Oriental Gov Bambi Emano;Bukidnon Gov Jose Maria Zubiri ug Regional Peace and Order Council (RPOC) chairman City Mayor Oscar Moreno alang sa dali nga pagbuhi sa iyang bana.
Ang maong sundalo ang lumad nga residente sa lungsod sa Balingasag,Misamis Oriental diin nagbaton sa unom ka anak.
