Namahayag si Atty. Renato “Aboy” Paraiso, ang Chairman sa Independent Commission for Infrastructure (ICI) Technical Working Group (TWG) nga anaa na sa kapin 140-ka tawo ang sulod sa ilahang listahan nga ilang gi-imbestigaran.
Ang listahan, gipaambit sa mga ahensiya nga adunay ‘regulatory functions’, sama sa Maritime Industry Authority (MARINA), Civil Aviation Authority of the Philippines (CAAP), ug Bangko Sentral ng Pilipinas (BSP) aron masuta kon adunay mga naka-rehistro nga mga sakyana’ng pandagat, panghimpapawid, ug uban pa’ng assets ang mga tawo sa listahan.
Tumong niini nga ma-preserbar o ‘ma-freeze’ ang maong mga ‘assets’ nga posible’ng nalambigit sa flood control project anomalies.
Mahinumduman nga nagsugod ang imbestigasiyon sa ICI bahin sa flood control anomalies niadtong Setyembre, tuig-2025 diin nabutyag ang halapad nga kurapsyon, dili lang sa mga kontratista kundili apil na usab sa gobyerno. (Jane & Phillip)
