Nakalanding na nga luwas sa Israel ang kapin 170 ka pasahero sa Flydubai taliwala sa nitumaw nga taho bahin sa gihimong pagsuway sa pagpabugsok sa eroplano sa biyahe gikan Dubai.
Subay sa report nga nakuha ni Bombo International News Correspondent sa Israel nga Diana Panes, giimbestigahan na sa mga awtoridad ang alegasyon nga gi-atake ug gidunggab sa Omani nga co-pilot ang kapitan aron pabugsokon ang eroplano nga giisip karon nga aksyon sa terorismo.
Gumikan niini, gitabangan sa usa ka pasahero nga dentista ang nasamdan nga kapitan aron mabawi ang kontrol sa eroplano ug makapahigayon og emergency landing sa Saudi Arabia.
Gilayon nga nakapadayon ang mga pasahero sa Israel samtang padayon ang imbestigasyon sa awtoridad sa posibleng kalabutan sa gihimong pagpangdunggab sa kagubot sa Gaza.
