Kapin sa 20 ka balay ang naugdaw sa sunog nga miigo sa Zone 3, Cugman ning syudad ganihang buntag.
Gitumbok sa SFO1 Jim Laurence Azores, sa Bureau of Fire Protection Lapasan, nga miabot sa ikatulong alarma ang sunog tungod kay kasagaran sa mga balay hinimo sa light materials ug dikit-dikit, lakip pa ang kagamay sa agianan sa lugar.
Sumala sa BFP, mokuha og unom ka minuto ang ilang response time gikan sa pagdawat sa tawag.
Mokabat sa tunga sa million pesos ang initial nga damyos sa sunog nga nakaapekto sa gibanabanang 200 square meters nga lot area.
Miabot sa pito ka fire truck ang miresponde aron mapalong ang kalayo.
Samtang wala’y nai-report nga casualty, naangol, o missing. Padayun karon ang BFP sa pag imbestiga sa hinungdan sa maong sunog. (James Oliver)
