CAGAYAN DE ORO CITY – Moabot sa kapin 200-mil ka mga raliyesta ang gibabagan sa kapulisan sa may checkpoint sa Manolo Fortich probinsiya sa Bukidnon.
Sa pakighinabi sa Bombo Radyo, gibutyag ni PRO-10 spokesperson PLTC. Surki Serenias nga gipugngan sa ma pulis ang grupong KASAMA ug KASILO sa Bukidnon nga mohimo’g rally sa Cagayan de Oro ni Biyernes Santo tungod kay may mga kauban silang mga menor de edad.
Sakay sa tulo ka (3) public utility jeep ug siyam (9) ka multicab ang mga raliyesta dihang nababagan sa checkpoint.
Gipamugos niini nga ilang mga anak ug pag-umangkon ang mga kaubang menor de edad apan wala sila’y mapakitang dokumento sa mga personahe sa Department of Social Welfare and Development (DSWD).
Gitin-aw ni Serenias nga wala gi-harass sa PNP ang mga raliyesta tungod kay may katungod sila sa paghimo’g mga rally sa kondisyon nga wala sila’y kauban nga mga menor de edad.
Nakabalik na sa Malaybalay City ang mga raliyesta human sila mababagan sa Manolo Fortich, Bukidnon.Bombo CDO
