PAGSUGOD sa pagdawat sa Certificate of Candidacy o COC alang sa Barangay ug Sangguniang Kabataan Elections gikatakda na sa sunod nga bulan taliwala sa porsiyento sa kawalay kasiguruhan kung madayon ba kini.
Giklaro ni City Election Officer Atty. Ramil Acol nga bisan pa man 50% pa ang tsansa sa piniliay, andam gihapon ang ilang buhatan tungod kay manual man ang gamitong sistema karong Nobyembre.
Subay niini, gipahibalo sa opisyal nga kung madayon ang eleksyon, opisyal nga magsuod ang 8 ka adlaw nga pagdawat sa COC gikan Setyembre 28 hangtod Oktubre 5 karong tuiga.
Tungod sa kahuot sa ilang opisina ug sa kainit sa panahon, naghangyo na sila sa pagbalhin sa filing sa mas dako nga dapit sa ikaduhang distrito aron mas maato ang pagsilbi sa sobra 2,000 nga mga kandidato ug sa kapin 200,000 nga mga rehistradong botante sa dakbayan.
