CAGAYAN DE ORO CITY – Gidasig sa Department of Health 10 ang katawhan nga dili angay e-balewala ang pagbaton sa ubo,sip-on ug hilanat ilabina kadtong wala nagpabakuna batok sa bayrus nga nasabwag sa COVID-19 sugod tuig 2020.
Kini kon dili sila maigo sa padayong presensya sa maong bayrus bisan nga miubos na ang bahad nga dala niini sa tibuok kalibutan.
‘Wala pa matapos ang COVID-19 rason dili angay pasagdan ang pagbaton sa ubo ug hilanat partikular sa mga wala nagpabakuna.’
Gihimo ni Jasper Kent Ola,registered nurse ug officer-in-charge sa Regional Epidemiology Surveillance and Disaster Response Unit sa Dept of Health-10 nunot sa pagkupot na sa rehiyon sa 108-mil 660 ka kompirmadong COVID- 19 cases sukad miigo sa 2020.
Siya miingon nga sa maong ihap,anaa sa 104-mil 857 ang naluwas sa mga mananambal gamit ang nagkadaiyang brand sa bakuna batok bayrus.
Apan nasubo usab kini kay anaa na sa 3-mil 706 ka pasyente ang kompirmadong namatay tungod sa maong sakit.
Kini ang rason nga angayang dili magpasagad ug likayan nga magkumpiyansa na ang katawhan kay wala pa hingpit nawala ang presensya sa COVID-19 dinhi sa nasud.
