(Update) CAGAYAN DE ORO CITY -Gikompirmar ni Joel Gabatan,National Vice Chairman sa National Confederation of Transport Unit nga wala magsumikad kanila ang pagsuyak sa 29 ka mga motor ug PUJ’s dinhi sa syudad, kagahapon.
Sa pakighinabi sa Bombo Radyo gibutyag ni Gabatan nga nadismaya siya sa maong binuhatan.
Gitin-aw usab niini nga walay mga pagbabag sa dalan ang ilang gihimo sa mga mibyahe bisan sakop sa ilang organisasyon sa tibook adlaw.
Giklaro sa NCTU ang ilang baruganan batok sa giduso nga pagwala sa mga sakyanan nga nagpangidad sa 15 anyos pataas.
Gibutyag ni Gabatan nga dili pagsupak ang ilang tumong sa ilang gilusad nga transport strike.
Gipamugos sa NCTU nga hatagan sa lima ka tuig nga motaturium ang ilang mga edarang sakyanan ug mahimong benepisyaryo sa mga programa nga musuporta kanila sa pagpalit sa mga bag-ong makina o mga sakyanan.
