CAGAYAN DE ORO CITY – Gikompirmar sa Kampo Krame ang deployment sa kapin 33,000 ka mga uniformed police sa tanan tunghaan sa Pilipinas, alayon sa pagbukas sa unang adlaw sa school year 2024-2025 sa Department of Education.
Tumong sa deployment ang paghatag police assistance sa mga mutabok nga mga magtutungha sa dalan, pagmuntar sa information desk, ug crowd control sa mga dagkung tunghaan.
Sa pikas bahin, anaa sa kapin 1,200 ka mga tunghaan sa Luzon Area ang walay klase karon.
Subay kini sa data sa Alliance of Concerned Teachers (ACT) tungod kay humod pa sa tubig baha ug hugaw sa lapok ang mga lawak saringan sa Central,, Northern ug Southern Luzon.
Una niini, mismo si Presidente Ferdinand Bongbong Marcos ang miapelar sa mga dili apektadong tunghaan nga sugdan na ang klase ning adlawa, aron dili maguba ang nakahan-ay nga school calendar of activities.
