Misaka pa sa kapin 400 ang ihap sa mga fuel station ang nagsira human wala na makakuhag imported supply nga lana gikan sa Middle East.
Kini ang gibutyag ni Philippine National Police (PNP) Spokesperson ug Public Information Office (PIO) Chief PBGen. Randulf Tuaño.
Siya miingon nga ning adlawa miabot na sa 425 ang nanirado sa tibook Pilipinas, busa daghang nga draybers ang nagpangita sa mga istasyon nga barato pa ang singil.
Sa pagkutlo ning balita aduna nay 6 ka gasolinahan ang gitakdang kasuhan sa PNP human nila masupak ang Batas Pambansa Blg 33. Kasong profiteering o naghinubra nga singil sa kada litro sa petrolyo ang kalapasan sa mga nasang-atan sa kaso.
Gisaad sa kapulisan nga dili nila undangon ang ilang monitoring ug pag-abag sa Department of Energy kay nasayud sila nga posibleng maabusuhan sa pipila ka negosyante ang krisis sa lana nga nasinatian sa tibook kalibutan.
