Mukabat sa kapin 70 ka grupo sa mga mag-uuma ug mangingisda ang apektado sa grabe nga pagsaka sa presyo sa lana.
Gibutyag ni Confederation of Farmers and Fisherfolks sa Cagayan de Oro and Misamis Oriental Chapter President Robert Quistadio nga maoy grabe nagsagubang sa krisis ang mga mag-uuma nga anaa sa hinterland barangays ug mga miyembro sa CEPACO.
Si Quistadio miingon nga ang mga grupo ug miyembro ubos sa Coast Community, Economic Enterprise, Partners Pangisda ug mga anaa sa Cooperatiba maoy nagsakripisyo sa pagbayad sa mahal nga tubil sa ilang makina sa kaumahan ug sa ilang mga lantsa nga gagamiton sa pagpangisda.
Hinoon, gitin-aw ni Quistadio nga nahinabi na sila sa City Agriculture Office ug gipasalig nga doblihon ang ilang ihatag nga ayuda ug relief assitance.
