CAGAYAN DE ORO CITY -Kasuhan sa Regional Drug Enforcement Unit 10 sa pagsupak sa akta republika 9165 ang tulo ka dinakpan nga suspek pagpayuhot sa gidiling droga sa Brgy Canitoan ning syudad.
Giila ang mga dinakpan nga sila si Alejandro Yañez, Cerch Carcosa ug Jonalyn Nafarrete nga pulos nagpuyo sa Balongis, Balulang ning syudad.
Nakuha sa mga otoridad gikan sa mga suspek ang bana-banang sobra milyon ka pesos nga gitoohang shabu atol sa maong operasyon.
Gawas sa nabawi nga 150 gramos nga gitoohang shabu,nakompiskar usab ang laing mga ebedensiya nga magamit sa mga otoridad sa pagkaso baotk sa mga suspek sa korte.
