Naduso na ang kasong libel batok Palace Press Officer Atty Claire Castro human kini mipakatag sa sayop nga impormasyon kalabot sa kanhi kompanya ni Batangas 1st District Congressman Leandro Leviste.
Namahayag si Leviste nga pormal nilang gisang-at ang kaso sa Balayan Regional Trial Court kundiin, nangayo’g P110 milyon nga damyos ang magbabalaod sa “libelous statements” ni Castro nga nag-ingon nga iyang gibaligya ang kompanya nga adunay prangkisa.
Si Leviste mitubag nga wala siya mibaligya sa prangkisa ug ang kompanya nga iyang gibaligya walay franchise.
Sa laing bahin, si Castro miingon nga ang kaso usa ka pamaagi aron siya mapahimutngan ug mapahunong sa pagtuki sa isyu.
Iya usab gikuwestiyon ang kongresista kung nganong wala niya pasaka-e sa kaso si Ombudsman Jesus Crispin Remulla nga maoy naggutad-gutad sa iyang kaso ug pagpalawom sa pagpahungaw sa ilegal nga binuhatan sa iyang kompanya.
