Dili muubos sa 63 porsyento sa mga gigamit nga pangalan sa resibo sa confidential funds ni Bise Presidente Sara Duterte ang nakompirmang walay bisan unsang rekord sa gobyerno.
Subay sa gipadayag ni lead prosecutor ug Batangas Representative Gerville “Jinky Bitrics” Luistro, nikabat sa 1,685 gikan sa 2,669 ka mga pangalan ang walay nahimutang nga birth, marriage, o death record sa database sa Philippine Statistics Authority o PSA.
Mismo ang kontrobersyal nga pangalan nga Mary Grace Piattos kauban sila si Arthur Baon, Mathew N. Keso, ug Charles Sampaloc Jr. ang nakompirma sa ahensya nga walay gidala nga pormal nga rekord.
Hinuon, gitin-aw sa PSA nga ang maong subay nakabase lamang sa ilang civil registry ug dili kini direkta nga nagpasabot nga hinimo-himo lang ang maong mga tawo. Gawas pa niini, nigawas sa maong pagdungog nga ang kanhi special disbursing officer sa DepEd nga si Edward Fajarda ang nag-encash sa tulo ka tseke nga nagkantidad og tig-37.5 milyon ka piso. Sa katapusan, miabot sa 112.5 milyon ka piso ang tanan nga na-encash nga pondo sa miaging tuig 2023.
