Mokabat sa kapin sa usa ka milyon ka pesos nga kantidad sa ilegal nga droga ang nasakmit sa kapulisan atol sa managlahing buy-bust operation sa Barangay Lumbia, Cagayan de Oro City kagahapong adlawa.
Subay sa taho, malampusong nadakpan sa mga operatiba ang tulo ka suspek nga naglakip sa duha ka High-Value Individuals nga sila si alyas Pet-pet ug alyas Chan.
Gibutyag ni PBGEN Christopher N. Abrahano, Regional Director sa PRO10, nga nagpabilin ang ilang hugot nga pasalig sa pagsumpo sa ilegal nga droga pinaagi sa pag-intensibar sa ilang operasyon batok sa mga nalambigit niini.
Dili malikayan nga mag-atubang og tukmang kasong kriminal ang mga dinakpan tungod sa paglapas sa Republic Act No. 9165 o ang Comprehensive Dangerous Drugs Act of 2002.
