Nakaangkon og dako nga suporta ang pagsugod sa bulan sa paglikay sa pag-alaut sa kaugalingon pinaagi sa pagtambong sa kapin tulo ka libo ka mga Kagay-anon sa ikaupat nga lakaw paglaum nga gipahigayon sa dakbayan.
Gipasiugdahan sa City Social Welfare and Development Department Psychosocial Unit ang maong paglakaw nga nagsugod sa Rodelsa Circle ug nagtapos sa Amphitheater diin nagkahiusa ang nagkadaiyang mga buhatan sa kagamhanan, pribadong kapunongan, ug mga tunghaan.
Duyog sa maong panagtipon, opisyal usab nga gilusad ang pinakabag-ong video campaign alang sa kahimsog sa panghunahuna pinaagi sa pakigtambayayong sa City Information Office.
Gilauman sa mga opisyal nga ang maong lapad nga paglihok magdala og dugang kaamgohan ug paglaum aron masalbar ang mga kinabuhi batok sa mental health.
