Gipakatap na sa Police Regional Office 10 (PRO-10) ang kapin 100 ka dugang nga mga kapolisan ngadto sa Cagayan de Oro City Police Office (COCPO) aron masiguro ang kaluwasan sa tibuok bulan nga selebrasyon sa Higalaay Festival.
Sumala ni PRO-10 Spokesperson Police Major Joann Navarro, kabahin kini sa ilang mga preventive security measures aron mapalapdan ang police visibility sa tibuok dakbayan.
Dugang pa sa opisyal, gihimo ang maong lakang aron mas mapadali ang pagresponde sa kapulisan sa higayon nga adunay mahitabong dili maayong insidente.
Gipahayag usab sa tigpamaba nga giandam na ang tanang pamaagi sa seguridad gani sa wala pa man opisyal nga gisugdan ang mga kalihokan alang sa maong dakong kapistahan.
