Walay luna ang kapintasan sa pagserbisyo sa nasud. Mao kini ang gipadayag ni Yeshua Miguel M. Pia, representante sa Liberal Youth Northern Mindanao, isip pagkondena sa gibuhat nga pagpanghulga ni Bise Presidente Sara Duterte ngadto kang Presidente Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Sa iyang pamahayag, gipunting ni Pia nga dili gyud mahimong tubag sa politika ang paghimo og mga hulga o pag-kontrata og hitman tungod kay ilegal kini ug supak sa ilang baruganan isip mga Liberal.
Gipahibalo sa batan-ong lider nga bisan pa og gitawag kini nga conditional nga pahayag, walay katarungan ang paggamit og violence bisan unsa pay rason niini.
Busa, nanawagan ang maong grupo nga dili na unta mausab ang susamang matang sa binuhatan nga naghatag og hulga sa seguridad sa mga opisyal sa gobyerno.
