CAGAYAN DE ORO CITY-Nakaalerto na ang El Salvador PNP sa pagbantay sa seguridad sa mga deboto alang sa kapistahan sa Divine Mercy Shrine ogmang adlawa.
Matud ni Supt. Gerry Tambis, ang hepe sa El Salvador PNP nga hinay-hinay na nga nangabot ang mga deboto karong adlawa hinungdan nga gisugdan na usab niiini ang pag-deploy sa mga PNP personnel sa maong area.
Nagtoo si Tambis nga mosaka ang ihap sa mga deboto karong adlawa kun itandi sa miaging katuigan.
Gihangyo usab ni Tambis ang mga deboto nga magbinantayon ug gilayong e-report sa mga pulis ang mga tawo nga ilang mabantayan nga kadudahan ang lihok.
Si Tambis miingon nga kinahanglang motabang ang katawhan sa ilang himoong pagbantay sa seguridad ilabina nga gipaubos pa sa martial law ang tibook Mindanao.
Apan gitin-aw ni Tambis nga wala sila’y nadawatan nga bahad sa terorismo.
