Nangunay si Baikingon Baragay Kapitan Giao Gumapac sa panawagan nga ipatantang si Kapitan Marlo Tabac isip Executive Vice President sa Liga ng mga Barangay sa lungsod saCagayan de Oro.
Sa ilang asembleya niadtong Hunyo 5, 2025, gipresentar ni Gumapac ang petisyon nga gipirmahan sa 64 gikan sa 80 ka barangay kapitan sa siyudad, nga mipalig-on sa gi-atubang nga “loss of trust and confidence” batok kang Tabac.
Sa lab-as nga pakighinabi sa Bombo Radyo kang Kapitan Gumapac, siya miingon ga ang posisyon ni Tabac ilang gi-deklarar nga bakante, ug ang petisyon ipadala sa National Liga ng mga Barangay alang sa pinal nga desisyon.
Hinoon, giklaro ni Gumapac nga ang mga kaso nga gi-atubang ni Tabac wala nagsumikad sa liga, apan, gikan kini mismo sa iyang mga trabahante sa barangay dihang wala kini gisuhulan sulod sa unom ka bulan, lakip na ang pag-isyu sa nangambak nga tseke.
