CAGAYAN DE ORO CITY-Patay sa pagpamusil sa motorcycle in tandem suspects ang high value target level 2 nga brgy kapitan sa Iligan City.
Giila ang biktima nga si Saray Barangay Kapitan Robert Fuentes,hingkod ang panuigon ug nagpuyo sa maong lugar.
Sakay sa brgy multicab ang biktima gikan sa ilang anti-illegal drug operations apan sa dihang pag-uli niini,gituparan sa mga suspek ug gipusil.Nakaangkon sa igo sa ulo ug lawas ang biktima hinungdan sa kamatayon niini.
Gidala pa sa ospital ang biktima apan pakyas na ang mga doktor sa pagluwas sa kinabuhi niini.
Nasuta nga una usab nga gipusil ang igsoon ni Fuentes tungod gihapon sa pasangil nga anaa sa kalambigitan sa illegal drug trade sa maong lugar.
Nasayran nga ang Brgy Saray sa Iligan City ang pinakailado nga lugar nga nagbaha ang presensiya sa gidiling droga diin daghang suspected drug pushers ug users ang gipangpatay sa dugay nang panahon.
