Aminado si Brgy. 26 Punong Barangay Albert Adecer nga dakong hagit sa ilang barangay ang kusog nga pag-ulan ug pagbaha tungod kay bahaonon ang ilang lugar.
Apan gipunting ni Adecer nga mas dako ang problema karon kay dili na makahubas ang tubig baha sa ilang barangay.
Miingon siya nga nahitabo kini tungod kay ang primary drainage sa Brgy. 26 natambakan na sa mga kontraktor sa Gaisano nga adunay on-going nga konstruksyon.
Gipahayag ni Adecer nga naglisod sila sa pagsulbad niini kay sukad pa kaniadto ginagamit kaayo ang mga drainage sa matag bagyo o panahon sa pagbaha.
Giklaro usab ni Adecer nga dili siya supak sa development apan naghinaot nga managhid una sa barangay ang mga kompanya ug susihon kung aduna bay maapektohan sa katilingban.
Nasubo siya kay wala sila kadawat og konsultasyon ug wala na-aregla ang mga lumoypoy ug mga hingtungdan nga naapektohan sa maong konstruksyon.
Dugang pa ni Adecer, tungod kay ang mga residente dili na makasukol sa kahimtang, gilihok karon sa kapitan ang petisyon nga gibuhat sa mga residente ug naglaum siya nga mahatagan kini og kasulbaran sa labing dali nga panahon. (James Oliver)
