Nangayo’g pasaylo si Kapitan Mario Bolanio, sa Barangay Macasandig human daghang mga basura sa ilang mga residente ang wala pa makuha sa kontraktor sa basura ning syudad.
Si Bolanio mipasabot sa ilang mga residente mahitungod sa kalangan sa pagkolekta human makadawat sa impormasyon sa daot nga dalan sa Barangay Pagalungan, pasulod sa sanitary landfill.
Mahinumduman nga sa matag ulan, mudagayday ang daghang lapok ug gahumok ang yuta hinungdan nga malubong ang ligid sa mga bug-at ug dagkung trak.
