CAGAYAN DE ORO CITY- Kasuhan sa PDEA-10 ang magsoon nga gilakipan sa aktibong brgy kapitan sa pagbaligya’g droga ug paghupot sa ilegal nga mga armas dihang sila sa nasikop sa Sitio Kala-Kala,Brgy Cogon,Balingasag,Misamis Oriental kagahapon sa kadlawon.
Kini human nakuhaa’g 40 gramos nga shabu ug mga armas ingon man bala sila si Cogon Brgy Kap Robert Valmores ug Rey Enecito Valmores atol sa search warrant operation sa ilang pinuy-anan.
Si PDEA agent Ben Calibre miingon nga ilado na sa publiko si Kap Valmores nga tiggamitan ug gabaligya sa shabu hinungdan nga gisikop nila kini subay sa mando sa korte.
Nagdumili usab sa pagtubag si Valmores atubangan sa media kabahin sa giakusar batok kaniya.
Hisayrang balor sa P240-mil nga shabu,AK-47 rifle,.45 caliber pistol ug mga bala sa .22 pistol ang nabawi gikan sa mga suspek dihang gimando ni Regional Trial Court Branch 18 Executive Judge Dennis Alcantar sa PDEA operatives ang paglusob sa pinuy-anan niini.
