CAGAYAN DE ORO CITY – Nadakpan sa kapolisan ang aktibong brgy kagawad nga unang gi-reklamo sa kaugalingong kapikas nga giingong dunay relasyon sa ilang brgy kapitan sulod sa Kingsfield Inn sa Brgy Kauswagan ning syudad kagahapon sa hapon.
Giila ni Carmen Police Station commander Maj Peter Tajor ang suspek nga si Kag Renejen Babia kinsa detinado sa prisohan tungod sa reklamo sa asawa nga giingong hilom nakig-relasyon kang Indahag Brgy Kapitana Jocelyn Dahino.
Miingon si Tajor mismo ang kapikas ni Babia ang nakakita kanila ni Dahino sa inn viccinity hinungdang gikauhaa’g video footage ayha gi-report sa kapolisan.
Dugang ni Tajor nga subay sa video footage nga nakasibat si Dahino kay nakasakay sa taxi hinungdang si Babia lamang ang nadala sa opisina nga unang namugos nga wala sila’y relasyon apan managhigala lamang.
Samtang walay rason nga makaabot ug mosulod sa usa ka inn aron ikauban ang aktibong brgy kagawad diha sa Brgy Kauswagan ning syudad.
Kini ang katarungan nga unang napabati dinhi sa Bombo Radyo ni Dahino batok sa pasangil nga dungan sila misulod ni Babia sa Kingsfield Inn sa wala mabutyag nga rason kagahapong adlawa.
Gibutyag ni Dahino dakong bakak ang pasangil sa kapikas ni Babia kay imposible nga wala siya magpapili isip opisyal sa brgy aron lamang mangguba’g relasyon sa laing tawo.
Samtang nanganti usab si Dahino nga kon unsa man ang mga kaso nga ipasaka batok kaniya,mobalos usab sila tungod sa gidulot nga kaulawon nga nasinatian sa ilang pamilya.
Una niini,giklaro niya nga wala siya dakpa sukwahi sa unang mga impormasyon kay tibuok adlaw daw kining nag-atubang sa mga trabaho sa opisina.
