CAGAYAN DE ORO CITY – Nakalinggawas sa mga kaso sila Brgy no.7 Punong Brgy Ronald Seriña ug Agusan Punong Brgy Andrew Melliza nga unang naduso sa Committee on Ethics and Blue Ribbon Committee sa konseho sa dakbayan.
Kini human iduso ni Kag. Edgar Cabanlas kinsa chairman sa maong mga komitiba ang mga resolusyon aron ibasura ang mga kasong administratibo batok sa duha ka kapitan.
Nagsumikad ang kaso ni Seriña sa kasupakan sa anti-graft and corrupt practices act, gross negligence, inaction, dishonesty and conduct unbecoming nga gipasaka sa iyang pipila ka residente.Apan tungod sa pakyas pagduso’g amended affidavit complaint ug wala usab pagtambong sa hearing sa reklamante nabasura ang kaso.
Samtang si Melliza ang gikasuhan usab sa Pryce Properties Management sa halos susamang kaso nga giatubang ni Seriña apan nabasura sa komitiba kay wala nay interest ang nanumbong batok kaniya.
