PC: Punong Barangay Chritopher Rodriguez
CAGAYAN DE ORO CITY-I-suspenso ang barangay kapitanes nga inotil pagsumpo sa presensiya sa shabu laboratory ug drug dens nga makabase sa ilang tagsa-tagsa ka gidumala nga lugar dinhi sa rehiyon.
Gihimo ni DILG Undersecretary Martin Diño ang bahad nunot sa nagpadayong pakig-dayalogo ni Pres Rodrigo Duterte diin nahimamat na niini ang mga kapitanes sa Northern Mindanao ug Region 9 sulod ning semanaha.
Miingon si Diño nga hayan madugangan ang 15 ka kapitan nga nakasuhan sa Ombudsman.
Kini tungod kay may 600 ka barangay officials pa sila nga gi-monitor kay inotil sa pagpatuman sa Barangay Anti-Drugs Abuse Council o BADAC nga dako’g tabang sa anti-illegal drug campaign ni Duterte.
