CAGAYAN DE ORO CITY – Nakaandam pag-depensa ang kampo ni Carmen Punong Brgy Kikang Uy kon mo-resulta sa pagduso’g kaso ang iyang paglugwa sa brgy certifications ngadto sa mga bag-ong mga botante sa ilang brgy.
Kini tungod kay alang kaniya, walay illegal apan pagtubag lamang sa panawagan sa Comelec ang ilang gihimo hinungdang nga nagsaka ang bag-ong mga rehistrante sa brgy.
Siya miingon nga angay tan-awon usab sa Comelec nga bisan ang mga bag-ong botante ang nahasol ilabina kadtong gipatawag kay gipang-kuwestiyon ang ilang pagka-rehistrante sa brgy.
Hisayang sa libuang bag-ong rehistrante ang gibasura sa Comelec kay nasuta nga walay igong basehan ang pagsilbi nila nga residente sa maong brgy.
