CAGAYAN DE ORO CITY – Daw gi-ipit sa mga miembro sa House Committee on Suffrage and Electoral Reforms pinaagi sa pagpatubag sa pangutana nga mahimo pa sang-atan sa disqualification case ang congressional candidacy ni Carmen Brgy Kapitan Kikang Uy.
Kini bisan nga hagbay ra nga gisibog sa Comelec ang ilang motu propio disqualification case batok sa congressional candidacy ni Uy sa distrito uno sa dakbayan.
Kini ang reaksyon sa abogado ni Uy nga si Atty Al Geñoso sa interbyu sa Bombo Radyo kay wala hatagi’g higayon maka-depensa sa isyu dihan mitambong sa pagdungog sa kamara sa miaging Martes.
Miingon si Geñoso nga intrada pa lang sa pag-presentar sa giingong mga ebedensiya ang panig sa ilang mga kaatbang,gilayon nang gisupla sa Comelec.
Naluwatan kini sa abogado kay daw dili pa luwas sa pagka-diskuwalipikar si Uy sa Mayo 12 nga piliay sa dakbayan.
Kini human isulti sa taga- Comelec Manila nga hayan magamit nila ang mga testimonya ug mga ebedensiya nga nabulgar sa unang pagdungog sa kabahin sa pasangil nga kahiwian sa voter’s registration sa Brgy Carmen.
Dumduman nga si Uy, gikasuha’g disqualification sa Comelec-Manila subay sa findings ug rekomendasyon sa task force nga nag-imbestigar sa libuang mga botante nga rehistrado sa Carmen gamit ang gi-isyu nga brgy residence certificates sa miaging tuig.
Hisayrang ang legal team ni Geñoso ang naghikay sa mga ebedensiya aron mabasura ang disqualification case nga giatubang ni KapKik sa Comelec sa miaging tuig.
