CAGAYAN DE ORO CITY – Wala sa unod sa fact finding report sa task force nga adunay dakong anomaliya sa registration period sa mga bag-ong botante sa Brgy Carmen ning syudad.
Kini ang katin-awan sa legal team ni Carmen Punong Brgy Kikang ‘KapKik’ Uy sukwahi sa mga pasangil nga gipabati sa iyang mga kaatbang ug mismo sa Comelec.
Miingon si Atty Angie Carrasco-Genoso nga kaya nila pamatud-an nga imbento lang ang maong mga pasangil subay sa daghang mga testigo ug mga ebedensiya nga na-presentar nila sa Comelec Law-Dept.
Siya miingon nga unta i-mentinar sa Comelec ang pagsilbing patas ug dili magpadala sa impluwensiya nga hinimuan sa ilang mga kontra sa politika.
