CAGAYAN DE ORO CITY – Natagbaw ang kampo ni Carmen Punong Brgy Rainer Joaquin ‘Kikang’ Uy sa ilang presentasyon sa pag-atubang sa House Committee on Suffrage and Electoral Reforms sa kamarabaha sa kauluhan.
Kini human tambungi ni Uy ang imbestigasyon sa gipamugos ni Cagayan de Oro 1st District Cong. Lordan Suan nga adunay giingong naghinobra nga anomaliya sa voters registration sa ilang brgy sa miaging tuig.
Miingon ang abogado ni Kikang nga si Atty Al Geñoso nga napaklaro sa ilang panig nga adunay giingong deperensiya sa unang gipanulti ni Suan sa komitiba itandi sa aktuwal nga pagpasabot nila sa maong isyu.
Gani,nabantayan nga daw halos gigiyahan pa sa pipila ka kongresista si Suan sa angay isulti sa mga nahimong tubag ni Uy.
Hisayrang maoy gipalagan ug giila ni Suan nga dakong illegal nga pagsaka sa ihap sa mga bag-ong botante sa Carmen tungod sa giingong paghinobra’g gamit sa residence certificates ngadto sa gitoohang flying voters gikan sa ubang bahin sa Northern Mindanao.
