CAGAYAN DE ORO CITY – Daw pagkab-ot sa pasiunang pagpangita sa kaangayan ug hustisya alang kang Carmen Punong Brgy Kikang Uy ang pag-atras una sa Commission on Elections-Law Dept sa ilang gipasaka nga disqualification case pagka-kongresista niini sa distrito uno sa syudad.
Kini ang reaksyon sa opisyal dihang nadawat nila ang kopya sa motion for withdrawal kabahin sa motu propio case nga iyang giatubang sa kauluhan.
Miingon si KapKip nga gikaguol niya ang gihimo sa Comelec batok kaniya apan nahulipan kini sa kalipay kay mismo ra usab sila ang nangayo’g pagtugot nga isibog una ang kaso kay mohimo pa kini sa dugang imbestigasyon tungod sa daghang mga dokumento ug mga ebedensiya gikan sa panig sa sinumbong.
Hisayrang sobra 7-mil ka evidence exhibits ang gisubmitar sa legal team ni KapKik aron pamatud-an nga walay basehan ang pasangil nga flying voters ang sobra 8-mil ka bag-ong botante nga nakasulod sa Brgy Carmen.
