CAGAYAN DE ORO CITY – Gipakita sa magkaribal nga sila Cagayan de Oro 1st District Cong. Lordan Suan ug Carmen Punong Brgy Kapitan Kikang Uy ang ilang pagka-sibil o propesyonal atubangan sa tagsa-tagsa nila ka political supporters taliwala sa grabe kainit nila nga engkuwentro sa politika.
Kini human kabahin ang duruha nga aktibong mitambong sa gihimong candidates briefing sa mga kandidatong lokal sa syudad gikan sa pagka-mayor padulong sa konsehales nga posisyon sa Amphitheather,Divisoria ning syudad.
Naaktuhan ang duruha nga naglamano ug nagbayluay sa ‘casual talks’ igo paghuman nila’g covenant signing sa entablado diin nahugway ang ilang tagsa-tagsa ka political supporters.
Dumduman nga grabeng binirahay sa duruha sa ilang politika kay sila subli mag-engkuwentro alang sa congressional race sa distrito uno sa Mayo 12 ning tuiga.
Ang ilang pagpirma pagmatood nga mosanong sila sa kagustuhan sa gobierno nga buhaton ang piliay nga hapsay ug malinawon.
Hisayrang sukwahi sa ‘sportsmanship’ ni Kikang ug Suan, walay tinagdanay usab ang kanhi magka-alyado nga sila City Mayor Rolando ‘Klarex’ Uy ug former City Mayor Atty. Oscar Moreno sa ilang panagtagbo kaganihang buntag.
