CAGAYAN DE ORO CITY – Posibleng binuhatan lang ni Cagayan de Oro 1st District Cong. Lordan Suan ang kalit pagdagsa sa daghang botante nga nagparehistro sa Brgy Carmen apan gipahid lang ngadto kang incumbent Punong Brgy Kikang Uy.
Kini ang tubag ni Uy batok sa pasangil ni Suan nga adunay lapad nga tinunto sa pagpang-rehistro sa botante sa maong brgy aron magamit sa 2025 elections.
Miingon si Kikang nga nalitok kini nga akusasyon ni Suan,hayan iya kining binuhatan apan gipasangil ngadto sa uban.
Si Suan ug Kikang ang subli magka-engkuwentro sa pagka-kongresista sa distrito uno sa piliay sunod tuig.
