CAGAYAN DE ORO CITY – Mangunay na pagtambong si Carmen Punong Barangay Kikang Uy sa sunod nga ipatawag nga pagdungog sa House Committee on Suffrage and Electoral Reforms sa kamarabaha sa kauluhan.
Kini kon walay kasapaw nga importante usab nga gimbuhaton niini sa barangay aron direktang makahatag sa katin-awan sa isyu nga nag-abusarr sa siya gahom dihang gihimo ang voters registration sa syudad sa miaging tuig.
Gihimo ni Kikang ang pasalig nunot sa pagpangita sa mga kongresista kaniya kay wala tugti nga makahimo’g pag-esplikar ang iyang gipadala nga abogado nga si Atty Al Geñoso kabahin sa pasangil nga kahiwian sa rehistro sa barangay Carmen ning syudad.
Miingon si Uy nga wala man siya’y angay ikalisang ug likayan taliwala sa pagpanag-ipit ug pagtumo-tumo sa iyang kaatbang sa politika nga nanghakot sa mga residente sa laing mga barangay aron ipa-rehistro gamit ang pag-isyu sa residence certificates.
Una nang namahayag ang Commission on Elections nga sobra 8-mil ka botante gikan sa 44 porsiento nga pagsaka sa mga rehistrado ang na-rehistro gamit ang brgy residence certificate.
Apan bisan sa daw nahukman na sa Comelec nga pasangil batok Uy, kalit gibasura ang disqualification case nga giatubang niini sa nipis kaayo nga pangulipas.
Hisayrang sa unang duha ka pagpatawag sa kamara,nausik ang panahon ug mga salapi sa mga gipang-imbitaran kay simple lang gi-atras tungod sa pipila ka prioridad nga gimbuhaton sa kauluhan.
