Kabus ug pagpasagad sa pamilya ang nag-unang hinungdan ngano nga daghang mga menor de edad ang nalambigit sa prostitusyon dinhi sa Cagayan de Oro sumala pa ni Esther Buehlmann sa Streetlight-Suga sa Dalan Organization, Inc..
Matod pa ni Buehlmann, adunay mga kabataan nga 12 anyos pa lamang apan sila na ang gipugos nga mahimong breadwinner sa ilang panimalay aron makakuha og kwarta alang sa bisyo sa ilang mga ginikanan.
Dugang pa niini, sagad sa ilang mga kliyente ang mga biktima sa pagpasagad o pag-abuso sa pamilya nga tungod sa kakuwang sa pagtagad, napugos na hinuon sa pagpangita og sayop nga gugma ug impluwensya gikan sa ilang mga barkada.
ungod niini, hugot nga nakig-alayon karon ang Streetlight sa kapulisan, CSWD, ug mga barangay council aron pagpahigayon og mga night monitoring ug pag-rescue sa mga bata nga anaa sa maong delikadong sitwasyon.
