CAGAYAN DE ORO CITY-Gihagit ni acting City Police Director Sr/Supt Nelson Aganon ang station commanders nga mohawa sa ilang propesyon kon dili masunod ang mga gabayan alang sa paghatag seguridad sa dakbayan.
Kini maoy baruganan ni Aganon tungod sa bag-ong oras nga ipa-report ug mohimo’g police visibility ang mga pulis sa nag-unang mga kalsada sa syudad.
Miingon si Aganon nga kon udto na motunga sa kadalanan ang mga pulis, dili na nila mahatagan sa seguridad ang katawhan ilabina kadtong adunay mga lakaw sa sayo sa kadlawon.
Gibatbat kini ni Aganon mismo sa una nila nga command conference nga gihimo kagahapong adlawa.
