CAGAYAN DE ORO CITY-Pahugtan sa Cagayan de Oro City Police Office o COCPO ang kampaniya batok sa mga tambay nga masapon daplin sa kadalanan.
Kini kon ugaling ilang madawat na ang memorandum gikan sa central office may kalabutan sa pahayag ni Pres Rodrigo Duterte nga dakpon ang mga tambay sa dalan.
Si City Police Director Sr/Supt Nelson Aganon miingon nga ila nang gisugdan ang maong kampaniya ilabina nga kabahin kini sa ordinansa sa syudad.
Apan gihangyo ni Aganon ang lokal nga kagamhanan nga tabangan sila tungod kay kulang ang ilang pwersa.
Gipahimangnuan usab sa City Police Director ang publiko nga likayan na ang pag-standby daplin sa dalan panahon sa kagabhion.
Si Aganon miingon nga kabahin sa ilang dakpon ang mga mag-inom daplin sa dalan ug kadtong maghukas nga tambay.
Una nang miani’g nagkadaiyang reaksyon ang direktiba sa presidente sa Philippine National Police (PNP) nga gaposon ang mga tambay ug ilabay sa suba.
