CAGAYAN DE ORO CITY-Nakigkoordinar na ang kapolisan sa Medina ngadto na sa Talisayan PNP alang sa paspas nga imbestigasyon sa kaso ug mga suspek sa pagpatay sa magtiayong Pabullar kinsa gimasaker-patay sa Brgy San Roque, Medina, Misamis Oriental.
Matud ni Sr/Insp Capt Arnold Sala, hepe sa Medina PNP nga naglaum sila nga pinaagi sa tabang sa Talisayan PNP ila nang mahibaw-an ang motibo sa krimen.
Hisayran nga gi-tadtad sa bala ang magtiayong Orlando ug Anita Bocio-Pabullar, pulos hingkod ang panuigon nga residente sa maong dapit.
Gani, narekober sa crime scene ang 14 ka basyo sa bala sa 9mm ug kalibre 45 nga armas.
Nahiagom sa daghang samad ang kalawasan sa mga biktima nga naglakip sa ilang mga ulo ug dughan.
Gilayong misibat usab sa wala matino nga direksyon ang upat ka mga suspek sakay sa ilang getaway vehicle.
