Nakaandam karon sa pinakataas nga red alert ang kapulisan sa Iligan City aron mapugngan ug masiguro nga dili makatabok sa ilang dakbayan ang posibleng kagubot gikan sa Lanao del Sur may kalabotan sa BARMM Parliamentary Elections.
Gipahayag sa spokesperson sa Iligan City Police Office nga si Police Major Zandrex Panulong nga nagpadala sila og 24 ka pulis, nga gilangkuban sa 23 ka lalaki ug usa ka babaye, sa BARMM aron motabang sa pagbantay sa kalinaw sa rehiyon sa panahon sa piniliay.
Sa karon, gipasabot sa opisyal nga padayon nga nagpaabot ang maong mga pulis sa dugang nga mando.
Apan taliwala sa bahad sa kasamok sa silingang lalawigan, gipamugos ni Panulong nga walay nadawat nga bisan unsang daotang insidente ang ilang buhatan nga naghatag og hulga sa seguridad sa dakbayan sa Iligan.–
