CAGAYAN DE ORO CITY-Giimbestigaran sa PNP-10 ang motibo ug suspek sa pagpusil-patay sa ig-agaw ni late Ozamiz City Mayor Reynaldo Parojinog Jr sa Purok Malinawon, Brgy Tinago, Ozamiz City.
Giila ang namatay nga si Sandy Daroy, 36-anyos ug residente sa maong lugar.
Base sa report, gipusil sa riding in tandem ang biktima gawas sa ilang panimalay.
Si PNP spokesperson Supt. Lemuel Gonda miingon nga blangko pa sila kon kinsa ang responsable sa krimen.
Kahinumduman nga si Parojinog ug 16 sa iyang nga sakop ang napatay sa mga pulis human giingong misukol ang police security personnel operation niadtong Hulyo 30,2017.
