Giklaro ni PRO-10 Spokesperson Police Major Joann Navarro nga wala silay namonitor nga validated nga hulga sa seguridad nga nakatarget sa mga aktibidad sa Higalaay Festival karong bulana.
Bisan pa man niini, gipasalig sa opisyal nga dili gayod sila magkompiyansa ug padayon nilang gipahugtan ang ilang intelligence monitoring sa tibuok dakbayan.
Labaw pa niini, nakig-alayon usab ang kapulisan sa mga festival organizer ug uban pang security agency alang sa hapsay nga pagpanalipod sa publiko.
Tungod niana, gipakatap gihapon sa buhatan ang igong deployment sa kapulisan aron masiguro ang malinawon ug luwas nga pagsaulog sa dakong kapistahan sa Cagayan de Oro.
