CAGAYAN DE ORO CITY – Nakatutok karon ang kapolisan sa persons of interest o POI sa pagpusil-patay sa senior citizen nga abogado sa Brgy Hagkog,Valencia City,Bukidnon.
Miingon si Valencia City Police Station commander Police Lt Col Surki Serenias nga may nahuptan na sila nga kopya sa CCTV camera diin gilauman nila nga makatabang sa imbestigasyon.
Gawas niini,wala pa hunungi sa mga imbestigador ni Serenias ang hitabo aron mahatagan sa hustisya ang kamatayon ni Atty Nicolas Gomez ngfa balikbayan gikan sa Amerika.
Bangi sa yuta ang pinakaduol nga anggulo ang motibo nga gitutukan sa mga imbestigador sa kamatayon ni Gomez.
Padulong simbahan ang biktima dihang kalit giatangan sa duha ka wala mailang mga suspek ug gilayong pusil kaniya hinungdan sa kamatayon niini.
