CAGAYAN DE ORO CITY-Gipasalig sa kapolisan nga walay mahitabong pagmani-obra sa mahimong resulta sa imbestigasyon sa kamatayon ni PO3 Joseph Marimon sulod sa Maharlika Headquarters sa Brgy Carmen ning syudad.
Kini human unang nagduda ang publiko nga dili accidental firing o paghikog ang gidangatan ni Marimon diin naigo sa ulo hinungdan sa kamatayon niini.
Miingon si Cagayan de Oro City Police Office o COCPO spokesperson Supt Mardi Hortillosa nga gihulat na lamang nila ang resulta sa imbestigasyon sa PNP crime lab aron magamit sa opisyal report sa hitabo.
Una nang namugos ang kapolisan nga naunay sa mibuto nga armas si Marimon nga naigo ang ulo niini sa miaging gabii.
Samtang tahuron sa pamilyang Marimon kon ugaling molugwa na ang findings sa mga imbestigador nga nakatutok sa kamatayon ni PO3 Marimon.
Kini human unang gikakurat sa pamilya ni Marimon ang gidangatan niini nga naigo ang ulo kay aksidente nga mibuto ang iyang 9mm pistol.
Miingon ang igsoon ni Josehp nga si Nilo Marimon nga hulaton nila ang opisyal nga findings sa mga imbestigador ayha hingpit mohatag sa ilang komento sa hitabo.
Nasayran nga si PO3 Marimon ang lumad taga- Malaybalay City, Bukidnon ug bulag usab sa kapikas samtang konektado sa City Mobile Force Company sa kapolisan ning syudad.
