CAGAYAN DE ORO CITY-Gisugdan na sa Cagayan de Oro City Police Office o COCPO ang deployment sa kapolisan sa city public cemetery ug sa bus terminals sa syudad ning adlawa.
Gibutyag ni COCPO spokesperson Supt Mardi Hortillosa nga istrikto nga implementasyon sa Oplan Ligtas Undas ang gimando ni City Police Director Sr/Supt Nelson Aganon alayon sa adlaw sa mga santos ug kalag.
Kabahin sa direktiba ang sayo ga deployment sa PNP force sa mga dagkung sam-ang, pagmuntar sa assistance desk ug uban pang security checkpoint aron mababagan ang pagsulod sa mga dautang elemento nga buot muhimog kagubot sa pagbalaan sa pagtamod sa kalag-kalag ning syudad.
Dugang nga kabag-uhan ang ipatuman sa pag inspection sa PNP sulod sa mga menteryo.
Gipasabot ni Hortillosa sa publiko, ilabina kadtong magdala ug sakyanan nga kong mahimo ablihan kini kon padulong sa nagkadaiyang menteryo ning semanaha.
Milugwa ang nasampit nga kabag-uhan human dunay pipila ka sibilyan ang nagreklamo nga dili ma-inspeksyon kadtong mga sakyanang pribado.
