CAGAYAN DE ORO CITY – Nakataas ang alerto sa Police Regional Office (PRO)-10 tungod gihapon sa nahitabong pagpamomba sa Indanan, Sulu.
Gimando ni PRO-10 Reg. Dir. Brigadier General Rafael Santiago Jr ang pre-emptive security measures sa mga checkpoints ug kinahanglang ipatuman sa matag station commanders ang target hardening measures ug dugangan ang presensya sa mga pulis sa kadalanan.
Kinahanglan usab nga bantayan ang mga vital installations aron dili makasulod ang mga teroristang grupo.
Sa panig sa Cagayan de Oro City Police Office (CoCPO), gibutyag ni Lt Col Mardi Hortillosa nga mas gipahugtan pa nila ang pagpatuman sa Oplan Galugad.
