Kapin sa 350 ka sako sa gituohang ilegal nga mineral ores nga nagkantidad og PhP1.75 milyon ang nasakmit sa kapulisan atol sa usa ka checkpoint operation sa Barangay Samburon, Linamon, Lanao del Norte niadtong Hulyo 15, 2026.
Subay sa taho gikan sa Police Regional Office 10, gipahunong sa mga personahe sa 1st Provincial Mobile Force Company ang usa ka Hino wing van truck human nakit-an ang mga kalapasan sa trapiko sama sa wala pagsuot og seatbelt ug dili awtorisadong pag-usab sa kolor sa sakyanan.
Pagkahuman sa inspeksyon, nadiskubrehan sa mga awtoridad ang maong karga nga walay igong dokumento aron kini legal nga mabiyahe.
Giklaro usab ni PBGEN Christopher N. Abrahano, ang Regional Director sa PRO10, nga hugot ang ilang kampanya batok sa ilegal nga pagmina tungod kay dako kini og kadaot sa atong kinaiyahan ug komunidad.
Sa pagkakaron, ang duha ka dinakpan nga nailang sila Rick ug Mark gidala na sa Linamon Municipal Police Station samtang nagpaabot sa tukmang kaso nga ipasaka batok
