Gilaraw karon sa Philippine National Police ang pagporma og usa ka dedikadong tracker team aron sa pag-implementar sa warrant of arrest gikan sa International Criminal Court batok kang Senator Bato dela Rosa.
Una niini, gipamahayag ni Police Regional Office 10 Spokesperson Police Major Joann Navarro nga ilalom sa direktiba ni PNP Chief General Rommel Marbil, ang CIDG ug Intelligence Group maoy gitahasang mangulo sa maong operasyon.
Dugang pa niini, gipasalig sa kapulisan sa rehiyon nga nagpabilin silang alerto ug andam mohatag og igong asistensya alang sa mga ginsakpan nga gilakip sa maong espesyal nga grupo.
Busa, gipahibalo sa otoridad nga padayon ang ilang pagpangandam aron makab-ot ang tukmang koordinasyon sa pagtuman sa maong mando sa korte.
Sa ingon, gipaniguro ni Navarro nga hugot ang kooperasyon sa ilang buhatan aron masiguro ang hapsay nga pagpatuman sa maong legal nga prosesso
