CAGAYAN DE ORO CITY-Naglaum ang Police Regional Office (PRO)-10 nga magpadayon ang kalinaw sa tibook rehiyon hangtud matapos ang 2019 midterm elections.
Matud ni PRO-10 spokesperson PSupt Surki Serenias nga nalipay sila kay nahimong generally peaceful ang lima ka adlaw nga filing of certificate of candidacy (CoC) sa tibook rehiyon.
Siya miingon nga nangandoy sila nga magpabilin ang kalinaw ilabina nga ila usab gipangandaman ang Adlaw sa mga Kalag ug ang umalabot kapaskuhan.
Nagpasalamat usab si City Election Officer Atty Ramil Acol ang kapulisan, sakop sa media ug mga nagpapiling kandidato tungod sa pagsunod sa gipaggawas nila nga mga gabayan aron mamintinar ang kahusay ug kalinaw.
Hisayran nga lima ka mayor, duha ka bise mayor, 29 ka city councilors sa 1st District ug 23 ka mga city councilors sa 2nd district ang miduso sa ilang certificate of candidacy (CoC).
