Namatay na ang Hollywood actor nga si Tom Noonan sa edad nga 74. Kini gikumpirmar sa direktor nga si Fred Dekker apan wala na niini gisulti ang hinungdan sa pagtaliwan.
Nagsugod ang karera ni Noonan niadtong 1980 human siya na-apil sa pelikula nga “Willie & Phil”.
Sukad niadto, mibida kini sa daghang pelikula sama sa “Robocop 2”, “Last Action Hero”, “Manhunter”, “The Pledge” ug daghan pa.
Gawas sa pelikula, nakasalmot usab kini sa pipila ka TV series sama sa “The X-Files” ug “Law & Order: Criminal Intent”.
Ang iyang kontribusyon sa industriya sa pelikula ug telebisyon nagpabilin nga dakong bahin sa Hollywood.
